एन्फा द्धारा ‘बी’ डिभिजन लिग मिति सार्वजनिक १० क्लबले जनाए असहमति
विश्व दैनिक |
अखिल नेपाल फुटबल संघ एन्फा ले ‘बी’ डिभिजन लिग फुटबल प्रतियोगिताको मिति सार्वजनिक गरेको छ ।
१४ फुटबल टोलि सम्मिलीत ‘बी’ डिभिजन प्रतियोगिता माघ १३ गते बाट सुरु हुने एन्फा द्धारा प्रकासित सुचनामा उल्लेख गरिएको छ ।
लिग खेल्ने क्लबहरुमा च्यासल युवा क्लब, झापा फुटबल क्लब, ब्वाईज युनियन क्लब, ब्रिगेड ब्वाईज क्लब, मध्यपुर युथ एसोसियसन, नयाँ बस्ति युवा क्लब, बाँसबारी क्लब, बिरगंज युनाईटेड, टुसाल युवा क्लब, आर.सि.टी, श्री कुमारी क्लब, सरस्वती युवा क्लब, श्री भगवती क्लब, र प्लानिङ्ग ब्वाई युनाईटेड क्लब रहेका छन् ।
एता एन्फाले ‘बी’ डिभिजन लिग आयोजनाको सुचना प्रकासित गरिरहँदा १० क्लबले असहमति जनाएका छन् । बी’ डिभिजन लिगमा आबद्ध १० क्लबले सोमबार संयुक्त रूपमा विज्ञप्ति निकाल्दै १३ माघबाट गर्ने भनेको लिगको निर्णयमा ध्यानाकर्षण भएको जनाएका छन् । ६ मंसिरमा १४ मध्ये चार क्लबका पदाधिकारीबिचको छलफलमा एन्फाले लिगको मिति घोषणा गरेको हो । एन्फा अध्यक्ष पंकजविक्रम नेम्वाङको अध्यक्षमा बसेको बैठकमा बाँसबारीसँगै श्रीकुमारी, श्री भगवती र प्लानिङ ब्वाइज मात्रै सहभागी भए ।
