लिभरपुल द्धारा रियल म्याड्रिड पराजित

लिभरपुल च्याम्पियन्स लिग तालिकाको शीर्ष स्थानमा पुगेको छ । एलेक्सिस म्याक एलिस्टर र कोडी ग्याकोको गोलको मदतमा बुधबार रियल म्याड्रिडलाई २–० ले हराउँदै लिभरपुल तालिकाको शीर्ष स्थानमा पुगेको हो ।
खेलमा मोहम्मद सालाहले पेनाल्टीमा गोल गर्न चुके । रियालका केलेयन एम्बाप्पेको पेनाल्टी पनि खेर गयो। लिभरपुल अपराजित रहँदै १५ अंकसहित शीर्ष स्थानमा रहेको छ।