भक्तपुरको गठ्ठाघर चोकमा ट्रकले ठक्कर दिंदा एक को मृत्यु
गठ्ठाघर चोकमा ट्रकले स्कुटरलाई ठक्कर दिंदा एक जनाको मृत्यु
विश्व दैनिक |
१३ मंसिर, काठमाडौं । भक्तपुरको गठ्ठाघर चोकमा ट्रकले स्कुटरलाई ठक्कर दिंदा एक जनाको मृत्यु भएको छ । अर्का एक जना घाइते भएका छन् ।
आज बिहान ७ बजे भक्तपुरबाट काठमाडौंतर्फ जाँदै गरेको ना ८ ख २३११ नम्बरको १२ चक्के ट्रकले सोही दिशातर्फ गइरहेको बा।प्र। ०२(०३८ प ४४०१ नम्बरको स्कुटरलाई ठक्कर दिंदा एक महिलाको मृत्यु भएको हो ।
जिल्ला प्रहरी परिसर भक्तपुरले मृत्यु हुनेमा ४१ वर्षीया नवीना देउला रहेको जनाएको छ । आज बिहान पौने ८ बजे उनको उपचारको क्रममा भक्तपुर इन्टरनेशनल अस्पतालमा मृत्यु भएको हो ।
दुर्घटनामा नवीनाका श्रीमान् जिते देउला घाइते छन् । उनको उपचार नागरिक अस्पतालमा भइरहेको छ । उनी राष्ट्रिय सेवा दल सुन्धाराका कार्यालय सहयोगी हुन् ।
ं
