जब वाईसीएल सम्मेलनकै गेटमा पुगे राजावादी
कमलादीस्थित गणेश मन्दिरमा हिमानी ट्रष्टले आयोजना गरेको कार्यक्रममा सहभागी हुन त्यो जुलुस हिँडेको थियो ।
विश्व दैनिक |
१९ जेठ, काठमाडौं । काठमाडौंको कमलादीस्थित नेकपा माओवादी केन्द्रको भ्रातृ संगठन वाईसीएल नेपालको तेस्रो राष्ट्रिय सम्मेलन चलिरहेको छ ।
उक्त सम्मेलनबाट नयाँ नेतृत्वका लागि खुला र बन्दसत्र चलिरहेको छ ।
यहीबीचमा सोमबार साँझ सोही क्षेत्र हुँदै राजावादी समूहको एउटा जुलुस निस्कियो ।
कमलादीस्थित गणेश मन्दिरमा हिमानी ट्रष्टले आयोजना गरेको कार्यक्रममा सहभागी हुन त्यो जुलुस हिँडेको थियो ।
त्यही बीचमा वाईसीएल नेपालका नेता, कार्यकर्ताहरूबीच केहीबेर तनावपूर्ण अवस्था बन्न पुग्यो ।
जिल्ला प्रहरी परिसर, काठमाडौंका एसपी अपील राज बोहराका अनुसार, केहीबेर अवस्था तनावपूर्ण भए पनि अहिले अवस्था सामान्य भइसकेको छ ।
‘वाईसीएल नेपालको सम्मेलन चलिरहेको ठाउँबाट राजावादी समूहको प्रदर्शन गएको रहेछ,’ बोहराले भने, ‘केहीबेर अवस्था तनावजस्तो बने पनि अहिले सामान्य छ ।’
हिमानी ट्रष्टले २०५८ जेठ १९ गते साँझ नारायणहिटी राजदरबारभित्र मारिएका तत्कालीन राजपरिवारका सदस्यहरूको स्मृतिमा नारायणहिटी दरबारभित्रै दीप प्रज्वलनको कार्यक्रम गरेको हो ।
