एसिया कपमा आज नेपालले बंगलादेशको सामना गर्दै

एसिसी यू–१९ एसिया कपमा आइतबार नेपालले बंगलादेशको सामना गर्दै छ ।
युएईको दुबई अन्तर्राष्ट्रिय स्टेडियममा नेपालि समय अनुसार आइतबार बिहान १०ः४५ बजे नेपाल र बंगलादेशबीचको खेल सुरू हुनेछ। एसिया कपको पहिलो खेलमा नेपाल श्रीलंकासँग ५५ रनले पराजित भएको थियो। पहिलो खेलमा हार बेहोरेको नेपाल सेमिफाइनलमा पुग्नका लागि आजको खेल जित्नै पर्ने हुन्छ ।
समूह चरणकै खेलमा बंगलादेशले अफगानिस्तानलाई ४५ रनले पराजित गरेको थियो।
नेपालले समूह चरणको तेस्रो तथा अन्तिम खेल अफगानिस्तानसँग मंगलबार खेल्नेछ। कुल आठ टिम सम्मिलित प्रतियोगितामा नेपाल, बंगलादेश, अफगानिस्तान र श्रीलंका समूह बी मा छन्। समूह ए मा युएई, जापान, भारत र पाकिस्तान छन्। शनिबार भएको समूह बी को खेलमा भारतविरूद्ध पाकिस्तान र जापानविरूद्ध युएई विजयी भएको थियो।
समूहको शीर्ष दुई टोलीले सेमिफाइनलमा स्थान बनाउनेछन्। सेमिफाइनल खेल मंसिर २१ र फाइनल २३ गते हुनेछ।