धापासीको एक घरमा आगलागी नियन्त्रणमा
आगो नियन्त्रणका लागि ८९ जना नेपाल प्रहरी, ६४ जना नेपाली सेना र ४० जना सशस्त्र प्रहरीको टोली खटिएको
विश्व दैनिक |
४ पुस, काठमाडौं । काठमाडौंको टोखा नगरपालिका–६ धापासीस्थित भाइकाजी श्रेष्ठको घरमा आगलागी भएको छ ।
श्रेष्ठको घरमा लागेको आगलागी नियन्त्रणमा आएको छ । दुई घन्टा बढी लगाएर सात वटा दमकलसहित नेपाल प्रहरी, नेपाली सेना र सशस्त्र प्रहरीको टोलीले आगो नियन्त्रणमा लिएका हुन् ।
आगो नियन्त्रणका लागि ८९ जना नेपाल प्रहरी, ६४ जना नेपाली सेना र ४० जना सशस्त्र प्रहरीको टोली खटिएको थियो ।
आगलागीको कारण भएको क्षतिबारे विवरण संकलन भइसकेको छैन ।
आगलागीबाट साढे तीन तलाको घर पूरै जलेको छ । बिहीबार साँझ ५ बजेर २३ मिनेटको समयमा घरमा आगलागी भएको थियो ।
