ग्रेटर नेपाल अभियन्ता फणिन्द्र नेपाल प्रहरी नियन्त्रणमा
विश्व दैनिक |
६ मंसिर, काठमाडौ । प्रहरीले ग्रेटर नेपाल अभियान चलाइरहेका फणिन्द्र नेपाललाई नियन्त्रणमा लिएको छ ।
काठमाडौं प्रहरी परिसर, भद्रकालीका एसपी नवराज अधिकारीले शान्ति सुरक्षा कायम गर्ने सिलसिलामा आवश्यकता देखिएपछि नेपाललाई शान्तिनगरबाट नियन्त्रणमा लिइएको बताए । नवराज अधिकारीको अनुसार नेपाललाई तत्काललाई होल्ड मात्र गरिएको हो ।
भारतीय सेना प्रमुख उपेन्द्र द्विवेदी नेपाल भ्रमणमा रहेका बेलामा विरोध प्रदर्शन गर्न सक्ने सम्भावना रहेको भन्दै प्रहरीले उनलाई निगरानीमा राखेको थियो । केही वर्ष पहिले भारतीय प्रधानमन्त्री नरेन्द्र मोदी नेपाल आउनुअगाडि उनलाई प्रहरीले निवासबाहिरबाटै पक्राउ गरेको थियो ।
नेपालले सुगौली सन्धिमार्फत भारतमा गाभिएको ६० हजार बर्ग किलोमिटर नेपाली भूमि फिर्ता हुनुपर्ने माग राखेर अभियान सञ्चालान गर्दै आएका छन् ।
