सुनको मूल्य तोलामा ५ हजार ३०० रुपैयाँले बढ्यो

२३ वैशाख, काठमाडौं ।  सुनको मूल्य एकैदिन ५ हजार बढीले वृद्धि भएको छ । अघिल्लो दिन सोमबार ५ सय रुपैयाँले बढेको सुन आज ५ हजार ३०० रुपैयाँले बढेको हो।

नेपाल सुन-चाँदी व्यवसायी महासंघका अनुसार मंगलबार ५ हजार ३०० रुपैयाँले बढेर एक तोला सुनको मूल्य १ लाख ८९ हजार ९०० रुपैयाँ पुगेको छ।

सुनको भाउ बढेसँगै चाँदीको मूल्य पनि वृद्धि भएको छ। आज एक तोला चाँदी १९ सय ६५ रुपैयाँमा खरिदबिक्री भइरहेको महासंघले जनाएको छ।