यु १९ एसिया कपको खेलतालिका सार्वजनिक

काठमाडौं । एसियन क्रिकेट काउन्सिल (एसिसी) ले आयोजना गर्ने यु १९ एसिया कपको खेल तालिका सार्वजनिक भएको छ । पहिलो खेल नेपालले चिर प्रतिद्धन्द्धी श्रीलंकाको सामना गर्ने छ ।
एसिसीले शुक्रवार जारी गरेको प्रतियोगिताको खेल तालिका अनुसार मंसिर १४ देखि २३ गते सम्म चल्ने छ । ५० ओभरको हुने खेलमा जम्मा ८ देशले दुई समुहमा विभाजन गरि एक अर्का मा प्रतिस्पर्धा गर्नेछन्। नेपाल समुह बि मा रहेको छ । नेपाल रहेको समुहमा श्रीलंका, बंगलादेश र अफगानिस्तान रहेका छन् ।
समुह ए मा भारत, पाकिस्तान, जापान र युएई रहेका छन् । हरेक समुहका शीर्ष दुई टोलीले सेमिफाइनलमा स्थान बनाउने छन् । फाइनल खेल मंसिर २३ गते हुने छ ।