लुम्बिनीमाथि जनकपुरको रोमाञ्चक जित
टियु क्रिकेट मैदानमा आज लुम्बिनी लायन्सलाई १ रनले पराजित गर्दै चौंथो जित हात पारेको हो
विश्व दैनिक |
२३ मंसिर, काठमाडौं । जनकपुर रोयल्सले नेपाल प्रिमियर लिग (एनपीएल) मा लुम्बिनी लायन्समाथि रोमाञ्चक जित हात पारेको छ ।
टियु क्रिकेट मैदानमा आज लुम्बिनी लायन्सलाई १ रनले पराजित गर्दै चौंथो जित हात पारेको हो ।
थाकरले अन्तिम बलमा सन्दिप जोरालाई आउट गरेपछि जनकपुरले रोमाञ्चक जित हात पारेको हो ।
जनकपुरले दिएको १३७ रनको लक्ष्य पछ्याएको लुम्बिनीले २० ओभरमा ८ विकेट गुमाएर १३५ रन मात्र बनाउन सक्यो ।
लिगमा जनकपुरको यो लगातार चौथो जित हो । ४ खेलबाट ८ अंक जोडेर जनकपुर शीर्ष स्थानमा उक्लेको छ ।
