एनपीएल विजेतालाई १ करोड १० लाख पुरस्कारको घोषणा
उत्कृष्ट नेपाली खेलाडीलाई कार पुरस्कार दिने क्यानले घोषणा गरिसकेको छ
विश्व दैनिक |
२ पुस, काठमाडौं । नेपाल प्रिमियर लिग (एनपीएल)को आयोजक नेपाल क्रिकेट संघ क्यानले विज्ञप्ति जारी गर्दै मंगलबार पुरस्कारको घोषणा गरेको छ ।
क्यानका अनुसार विजेता टोलीले एक करोड १० लाख पुरस्कार पाउने भएको छ ।उपविजेताले ५१ लाख र तेस्रो स्थानमा रहनेले २५ लाख पाउँदा चौथो हुनेले १५ लाख पुरस्कार पाउने छन् ।
यसअघि नै प्रतियोगिताकै उत्कृष्ट नेपाली खेलाडीलाई कार पुरस्कार दिने क्यानले घोषणा गरिसकेको छ ।
बुधबारदेखि प्लेअफका खेलहरू सुरू हुँदे छन् । सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स शीर्ष चारमा रहँदै प्लेअफमा पुगिसकेका छन् ।
