धनुषामा बोराभित्र शव फेला
बोराभित्र अन्दाजी ३० वर्षीय युवकको शव सडेगलेको अवस्थामा फेला परेको हो
विश्व दैनिक |
४ पुस, काठमाडौं । धनुषामा बोराभित्र एक जनाको शव फेला परेको छ।
धनुषाका डीएसपी बरुणबहादुर सिंहले धनुषाको मिथिला बिहारी नगरपालिका२ पुरन्डाहास्थित परशुराम तलाउ नजिक पुलमुनि बोराभित्र राखिएको अवस्थामा एक जनाको शव भेटिएको जानकारी दिए ।
प्रहरीका अनुसार बोराभित्र अन्दाजी ३० वर्षीय युवकको शव सडेगलेको अवस्थामा फेला परेको हो ।
डीएसपी सिंहले घटनास्थलमा अनुसन्धानका लागि तालिम प्राप्त कुकुरसहितको टोली परिचालन गर्न लागिएको बताए ।
डीएसपी सिंहका अनुसार स्थानीयले बिहीबार दिउँसो ३ बजेतिर बोराभित्र शव रहेको भन्ने जानकारी गराएका थिए ।
