मेडिकल व्यवसायी दुर्गा प्रसाईंलाई सर्वोच्चको आदेशपछि छाड्ने तयारी
सर्वोच्चको आदेशपछि मेडिकल जाँच गराएर हाजिरी जमानीमा छाड्न लागेका छौं
विश्व दैनिक |
५ पुस, काठमाडौं। मेडिकल व्यवसायी दुर्गा प्रसाईंलाई सर्वोच्च अदालतको आदेशसँगै नेपाल प्रहरीको केन्द्रीय अनुसन्धान ब्यूरोले छाड्ने तयारी गरेको छ ।
प्रसाईंको मेडिकल जाँच गराएर छाड्ने तयारी भएको सीआईबी प्रवक्ता होविन्द्र बोगटीले बताए ।
‘सर्वोच्चको आदेशपछि मेडिकल जाँच गराएर हाजिरी जमानीमा छाड्न लागेका छौं । अब हिरासत बाहिरै राखेर अनुसन्धान गर्छौं’, उनले भने ।
साइबरको कसुरमा ४० हजार रुपैयाँ धरौटीमा छुटे लगत्तै उनी आपराधिक लाभ र संगठित अपराधको कसुरमा पक्राउ परेका थिए । प्रसाईंलाई साइबर अपराधको कसुरमा उनको भक्तपुरस्थित निवासबाट पक्राउ गरिएको थियो ।
प्रसाईंका तर्फबाट निराजन प्रसाईंले दायर गरेको दोस्रो बन्दी प्रत्यक्षीकरणको रिटमा सर्वोच्चे उक्त आदेश दिएको हो ।
बन्दी प्रत्यक्षीकरणको रिट शुक्रबार न्यायाधीशद्वय डा नहकुल सुवेदी र शारंगा सुवेदीको इजलासले थुना बाहिर राखेर अनुसन्धान गर्न आदेश दिएको हो ।
