बारामा कारभित्र एकजना मृत फेला
ती व्यक्तिलाई कसैले गोली दागेर हत्या गरेको हुनसक्ने स्थानीयले बताएका छन्
विश्व दैनिक |
६ पुस, काठमाडौं । बाराको जीतपुर सिमरा उपमहानगरपालिका–११ मा कारभित्र एकजना मृत अवस्थामा फेला परेका छन् ।
बागमती प्रदेश ०१,०२८ च ७६१६ नम्बरको कारभित्र एकजना पुरुष मृत फेला परेको प्रहरीले जनाएको छ । मृतकको पहिचान हुन सकेको छैन ।
ती व्यक्तिलाई कसैले गोली दागेर हत्या गरेको हुनसक्ने स्थानीयले बताएका छन् । घटनास्थलमा बाराका प्रहरी उपरीक्षक (एसपी) महेन्द्र खड्का नेतृत्वको टोली पुगेर अनुसन्धान थालेको छ ।
घटनास्थल पुगेका एसपी खड्काले तालिम प्राप्त कुकुरको टोली बोलाएर अनुसन्धान गरिने बताए । गोली लागेको वा नलागेको अहिले केही भन्न नसकिने एसपी खड्काको भनाइ छ ।
