पिंगलास्थानको होटलमा एक युवती मृत फेला
अन्दाजी २२ २३ वर्षकी युवती होटलको कोठा नम्बर ३ सय ८ मा मृत अवस्थामा फेला
विश्व दैनिक |
१८ पुस, काठमाडौं । काठमाडौंको पिंगलास्थानस्थित बागमती होटलमा एक युवती मृत अवस्थामा फेला परेकी छिन् ।
बुधबार दिउँसो अन्दाजी २२ २३ वर्षकी युवती होटलको कोठा नम्बर ३ सय ८ मा मृत अवस्थामा फेला परेको प्रहरीले जनाएको छ ।
दिउँसो होटलको ढोका नखुलेपछि स्थानीय जनप्रतिनिधिसहितको उपस्थितिमा कोठाको ढोका खोलेर हेर्दा युवतीको शव फेला परेको हो ।
प्रहरीले घटनाबारे आवश्यक कानुनी प्रक्रिया अघि बढाइएको छ ।
जिल्ला प्रहरी परिसर, काठमाडौं, काठमाडौ उपत्यका अपराध अनुसन्धान कार्यालय र प्रहरी वृत्त गौशालाबाट घटनाको अनुसन्धन अघि बढाइएको प्रहरीले जनाएको छ ।
