धोबीखोलामा कार खस्यो
कार दुर्घटनामा मानवीय र सार्वजनिक सम्पत्ति क्षति नभएको
विश्व दैनिक |
२१ पुस, काठमाडौं । काठमाडौंको धोबीखोलामा कार खसेको छ। काठमाडौं महानगरपालिका–२९ स्थित मदन भण्डारी कलेज नजिकैबाट बीएए ८७१४ नम्बरको कार पुलबाट खोलामा खसेको हो।
कार चालक ललितपुरको कुपण्डोल बस्ने विनित विक्रम सिजापतिले जिम गर्न जाँदै गर्दा बढी मोडिएर कार खसेको प्रहरीलाई बताएका छन् ।
नयाँबानेश्वरका डिएसपीले विरेन्द्र गोदारले कार दुर्घटनामा मानवीय र सार्वजनिक सम्पत्ति क्षति नभएको बताए । अहिले खोलाबाट कार निकालिसकेको छ।
