६ दिनदेखि बेपत्ता इँटा व्यवसायी प्रसाईंंको शव गाडेको अवस्थामा फेला

२१ पुस, काठमाडौं । सर्लाहीको हरिवनमा ६ दिनदेखि बेपत्ता एक पुरुषको हत्या गरेर गाडेको अवस्थामा शव फेला परेको छ। सर्लाहीका इँटा व्यवसायीको शव उखुबारीमा गाडेको अवस्थामा फेला परेको छ ।

हरिवन नगरपालिका–१० इनारटोलका ३९ वर्षीय हरिप्रसाद प्रसाईको शव शनिबार उखुबारीमा गाडेको अवस्थामा फेला परेको हो ।

उनी परिवारजनका अनुसार पाँचदिनदेखि बेपत्ता थिए । खोजीको क्रममा आज हरिवन नगरपालिका–१० मा रहेको उखुबारीमा गाडिएको अवस्थामा उनको शव फेला परेको हो ।

परिवारका अनुसार प्रसाई पुस १५ गते बिहान इँटाको पैसा लिएर फर्किने क्रममा बरहथवा नगरपालिका–९ मूर्तियाबाट बेपत्ता भएका थिए । सर्लाही प्रहरीले उनको शव उत्खनन गरेर पोस्टमार्टमको लागि प्रादेशिक अस्पताल मलंगवा लगेको छ । घटनाको प्रकृतिले उनको हत्या भएको प्रहरीको अनुमान छ ।

हत्या गरेको हुन सक्ने आशंकामा प्रहरीले एकजनालाई नियन्त्रणमा लिई थप अनुसन्धान गरिरहेको जिल्ला प्रहरी कार्यालय सर्लाहीले जनाएको छ ।