सेयर बजारमा हरियाली, ६ अर्ब बढिको कारोबार

२२ पुस, काठमाडौं । आज साताको दोस्रो सेयर कारोबार दिन सोमबार नेप्से परिसूचक ४९.१२ अंकले बढेर २६४०.६८ विन्दुमा पुगेको हो।

अघिल्लो कारोबार दिन आइतबार नेप्से परिसूचक ५.३२ अंकले बढेर २५९१.५६ विन्दुमा पुगेको थियो। सो दिन ४ अर्ब ८६ करोडको सेयर कारोबार भएको थियो।

दोहोरो अंकले बढेको सेयर बजारमा आज एउटा मात्रै कम्पनीको सेयर सकारात्मक सर्किट लेभलमा कारोबार भयो। आत्मनिर्भर लघुवित्त वित्तीय संस्थाको सेयर १० प्रतिशतले बढेको हो।

सुपर मादी हाइड्रोपावरको ९.७० प्रतिशत,साहस उर्जाको ८.७१,माया खोला हाइड्रोपावरको ८.५९ र सप्तकोशी डेभलपमेन्टको ८.२५ प्रतिशतले बढ्यो।

यसदिन दुई कम्पनीका लगानीकर्ताले भने सर्वाधिक गुमाए। उपकार लघुवित्त वित्तीय संस्था र सामुदायिक लघुवित्त वित्तीय संस्थाको सेयर १० प्रतिशतले घट्यो।

कारोबारमा आएका स्टक्समध्ये २२६ वटाको मूल्य बढ्यो भने १२ वटाको घट्यो भने ४ वटाको मूल्य स्थिर रह्यो। सबै समूहको उपसूचकमा हरियाली छाएको छ। आज हाइड्रोपावर र इन्भेस्टमेन्ट समूहको उपसूचक ३ प्रतिशत बढिले वृद्धि भयो।