रुकुम पूर्वमा जीप दुर्घटना, ४ जना घाइते
जिपको टायर फुस्केपछि दुर्घटना भएको बताइएको छ
विश्व दैनिक |
२५ पुस, काठमाडौं । रुकुम पूर्वमा जीप दुर्घटना भएको छ । कास्कीको पोखराबाट रुकुम पूर्वको रुकुमकोट आउँदै गरेको ग १ ज ७१०८ नम्बरको जीप आज बिहान ३ः३० मा सिस्ने गाउँपालिका–५ धारापानीमा दुर्घटना भएको हो।
दुर्घटनामा रुकुमपूर्वको पुथा उत्तरगंगा गाउँपालिका ५ का २२ वर्षीय प्रेम कामी, सोही स्थानका जिप चालक २१ वर्षीय जुतेस शेर्पाली, बारा घर भएका १८ वर्षीय सर्पराज देवा र बाराकै १८ वर्षीय चन्द कुमार देवा घाइते भएका जिल्ला प्रहरी कार्यालय रुकुमपूर्वका प्रहरी नायव उपरीक्षक माधव खरेलले जानकारी दिए ।
जिपको टायर फुस्केपछि दुर्घटना भएको बताइएको छ ।
घाइतेहरूको रुकुम पूर्व अस्पतालमा सामान्य उपचारपछि अहिले जिल्ला अस्पताल रुकुम पश्चिममा उपचार भैरहेको छ।
