दाङमा मोटरसाइकल दुर्घटना हुँदा २ जना घाइते

१ माघ, काठमाडौं । दाङको घोराही–तुलसीपुर सडक खण्ड अन्तर्गत गुर्जे खोला नजिकै मोटरसाइकल दुर्घटना हुँदा २ जना घाइते भएका छन् ।

मंगलबार दिउँसो दुर्घटनामा परि घाइते हुनेमा घोराही–१४ का ४० वर्षीय बहरेलाल सुनार र ४५ वर्षीया नरमकुमारी सुनार रहेका छन् ।

राप्ती स्वास्थ्य विज्ञान प्रतिष्ठानमा घाइते दुवै जनाको उपचार भइरहेको प्रहरीले जनाएको छ ।

घाइतेमध्ये मोटरसाइकल चालक बहरेलालको अवस्था गम्भीर रहेको प्रहरीको भनाइ छ ।