वरिष्ठ अधिवक्ता त्रिपाठीमाथि अदालत परिसरमा हातपातको प्रयास
सहकारी पीडितको पक्षबाट बहस गरेर बाहिर निस्कने क्रममा उनीमाथि हातपातको प्रयास
विश्व दैनिक |
२ माघ, काठमाडौं । वरिष्ठ अधिवक्ता दिनेश त्रिपाठीमाथि हातपातको प्रयास भएको छ। काठमाडौं जिल्ला अदालत परिसरमा उनीमाथि हातपातको प्रयास भएको हो।
राष्ट्रिय स्वतन्त्र पार्टीका सभापति रवि लामिछानेको थुनछेकको आदेश आउने भएपछि अदालत परिसरमा भेला भएका रास्वपाका कार्यकर्ताहरूले त्रिपाठीमाथि हातपातको प्रयास गरेका हुन्।
सहकारी पीडितको पक्षबाट बहस गरेर बाहिर निस्कने क्रममा उनीमाथि हातपातको प्रयास भएको बुझिएको छ। उनलाई समर्थकहरूले हातपातको प्रयास गरेपछि सुरक्षाकर्मीले जोगाएका थिए।
