भारतले दियो अनुमति, शुक्रबारदेखि नेपालको बिजुली बंगलादेशमा निर्यात

२९ कात्तिक, काठमाडौं । नेपाललाई बंगलादेशमा विद्युत् निर्यात गर्न भारतको केन्द्रीय विद्युत् नियमन आयोग ‘सीईआरसी’ ले अनुमति दिएको छ ।
शुक्रबारदेखि भारतको अनुमति लिएर नेपालको बिजुली बंगलादेशमा निर्यात हुने छ ।
नेपाल विद्युत् प्राधिकरणका प्रवक्ता चन्दन घोषले शुक्रबार मध्याह्न १२ः४५ बजेबाट यो याममा एक दिनमात्र ४० मेगावाट विद्युत् निर्यात हुने जानकारी दिए ।