काठमाडौंमा बन्द कोठा भित्र एकै परिवारका ३ मृत भेटिए

२९ कात्तिक, काठमाडौं । काठमाडौंको गोकर्णेश्वर नगरपालिका–३, गाम्छामा एकै परिवारका तीन जना जसमा ३३ वर्षीया सीता मोक्तान, उनकी छोरी अंशु मोक्तान र छोरा दुई महिनाका बालक मृत अवस्थामा फेला परेका छन् ।
श्रीमान् कान्छा नगरकोटीले श्रीमती र दुई छोराछोरी हराएको भन्दै प्रहरीलाई खबर गरेका थिए । प्रहरीले पछि जाँच गर्दा बन्द कोठाभित्र शव भेटिएको बताए ।
अहिले घटनास्थलमा जिल्ला प्रहरी परिसर, काठमाडौं र उपत्यका अपराध अनुसन्धान कार्यालयको टोली पुगेको छ । त्रिवि शिक्षण अस्पताल महाराजगञ्जबाट चिकित्सकसहितको टोली समेत घटनास्थलमा पुगेको छ भने शवको मुचुल्का भइरहेको छ।