सन्दीपको सामाजिक सञ्जालमा भावुक स्टाटस, के यो सन्यासको संकेत हो?
सन्दीपसँग यसबारेमा बुझ्न खोज्दा उनीसँग सम्पर्क हुन सकेको छैन
विश्व दैनिक |
६ माघ, काठमाडौं । नेपाली राष्ट्रिय क्रिकेट टिमका पूर्वकप्तान सन्दीप लामिछानेको एउटा पोस्टले अहिले सामाजिक सञ्जालदेखि नेपाली क्रिकेटको माहोल तातेको छ ।
लेगस्पीनर सन्दीप लामिछानेले सामाजिक सञ्जालमा पोस्ट राख्दै नेपालका समर्थकहरूप्रति कृतज्ञता प्रकट गरेका छन् । उनले लेखेका छन्– सबैजनालाई यो सबै कुराको लागि धन्यवाद । यो देश र यहाँका क्रिकेट समर्थकहरुले सधैं मेरो समर्थन गर्दै मेरो यात्रामा निरन्तर साथ दिनुभएको छ । यो माया र हौसला मेरा लागि सबथोक भएको र सदा मनमा विशेष किसिमले रहिरहनेछ ।
सान्दीप लामिछानेको यो स्टाटसलाई सामान्य रूपले लिने मान्छे पनि छन् भने अर्कोतर्फ लाखौंको मनमा भने कौतुहलता पनि ल्याएको छ । सन्दीपले केही ठुलो निर्णय लिन लागे कि भनेर । कतिले सन्यासको संकेत भएको समेत टिप्पणी गरेका छन् ।
सन्दीपसँग यसबारेमा बुझ्न खोज्दा उनीसँग सम्पर्क हुन सकेको छैन । उनको फोन अफ आइरहेको छ । क्यानलाई उनले केही जानकारी गराएका छन् कि भनेर बुझ्दा क्यानका प्रवक्तासँग पनि सम्पर्क भएन ।
