नेप्से परिसूचक सामान्य अंकले बढ्यो, फाइनान्समा उच्च गिरावट

७ माघ, काठमाडौं । नेप्से आज ६.७८ अंकले बढेर २६०७.९९ विन्दुमा पुगेको छ। कारोबार रकममा सामान्य वृद्धि भएको छ । अघिल्लो दिन ६ अर्ब २५ करोडको कारोबार भएकोमा आज ६ अर्ब ५७ करोडको भयो ।

आज कुनै पनि कम्पनीको सेयर सकारात्मक सर्किट लेभलमा कारोबार हुन सकेन। मानुसी लघुवित्त वित्तीय संस्थाको सेयर सर्वाधिक ९.०५ प्रतिशतले बढ्दा रिभर फल्सको ७.७०,दोल्ती पावरको ७.४७, मध्य भोटेकोशी जलविद्युतको ५.८४ र बराही हाइड्रोपावरको ५.७७ प्रतिशतले बढेको हो।

कारोबारमा आएका ११८ स्टक्सको मूल्य बढ्दा ११७ वटाको घटयो। ८ स्टक्सको मूल्य भने स्थिर रह्यो। पाँच समूहको उपसूचक घट्दा अन्यको उपसूचक भने बढ्यो। आज अदर्श समूहको उपसूचक २.१३ प्रतिशतले बढ्यो।