आज पनि घट्यो सेयर बजार, कारोबार रकम ८ अर्बमा झर्यो
यसदिन फाइनान्सको समूहको उपसूचक सर्वाधिक ३.४६ प्रतिशतले बढ्यो
विश्व दैनिक |
१४ माघ, काठमाडौं । नेप्से परिसूचक आज पनि दोहोरो अंकले घटेर बन्द भएको छ। नेप्से आज १०.६१ अंकले घटेर २६३३.३२ विन्दुमा अडिएको छ।
बजारको परिसूचकसँगै कारोबार रकम घटेको छ । अघिल्लो दिन ९ अर्ब १२ करोडको कारोबार भएकोमा आज ८ अर्ब ९२ करोडको भयो ।
यसदिन एउटा मात्रै कम्पनीको सेयर सकारात्मक सर्किट लेभलमा कारोबार भयो। न्यादी हाइड्रोपावरको सेयर १० प्रतिशतले बढ्यो। जानकी फाइनान्सको ९.९८ प्रतिशतले बढ्दा ग्रीन डेभलपमेन्ट बैंकको ९.९७ सामुदायिक लघुवित्त वित्तीय संस्थाको ९.९६ र बोटलर्स नेपाल (बालाजु) को सेयर ८.२४ प्रतिशतले बढ्यो।
कारोबारमा आएका १०५ स्टक्सको मूल्य बढ्दा १२९ वटाको घट्यो। ९ वटा स्टक्सको मूल्य भने स्थिर रह्यो। पाँच समूहको उपसूचक सकारात्मक देखिदा ८ वटाको उपसूचक नकारात्मक देखिएका छन्।
यसदिन फाइनान्सको समूहको उपसूचक सर्वाधिक ३.४६ प्रतिशतले बढ्यो।
