भक्तपुरमा ट्याक्टर दुर्घटना हुँदा १ को मृत्यु
विश्व दैनिक |
१ मंसिर, काठमाडौं । चाँगुनारायणबाट डेकोचातर्फ जाँदै गरेको ट्याक्टर भक्तपुरमा दुर्घटना
हुँदा एक जनाको मृत्यु भएको छ ।
ना२त ९३४० नम्बरको ट्याक्टर चाँगुनारायण नगरपालिका ५ पिखेलमा दुर्घटना हुँदा सोही ठाउँका ४५ वर्षीय गोविन्द सुवालको मृत्यु भएको प्रहरीले जानकारी दिए ।
शुक्रबार साँझ ट्याक्टर दुर्घटनामा गम्भीर घाइते भएका सुवालको उपचारका क्रममा अन्नपूर्ण न्यूरो अस्पताल, काठमाडौंमा मृत्यु भएको प्रहरीले बताएको । ट्याक्टरमा सवार भक्तपुर नगरपालिका २ व्यासीका ४८ वर्षीय गणेश सुवाल घाइते भएका छन् । उनको भक्तपुर अस्पतालमै उपचार भइरहेको छ भने सामान्य घाइते भएका अन्य ४ जना डिस्चार्ज भइसकेका छन् ।
