लेबनान बिरुद्धको जितसँगै नेपाल फाइनलमा प्रवेश

८ फागुन, काठमाडौं । दशरथ रंगशालामा जारी महिला च्याम्पियनसीप प्रतियोगितामा नेपालले लेबनान लाइ १–० ले पराजित गरेको छ ।
नेपालले खेलको ४१औं मिनेटमा अग्रता बनायो । स्ट्राइकर सवित्रा भण्डारीले बक्स बाहिरबाट हानेको प्रहार लेवनानको डिफेन्डर फरा एल तैयरलाई लाग्दै गोल भएको थियो ।
लेबनान बिरुद्ध जित सँगै आयोजक नेपाल र म्यानमार फोर नेसन्स अन्तर्राष्ट्रिय प्रतियोगिताको फाइनलमा प्रवेश गरेका छन्।
आजको पहिलो खेलमा म्यानमारले किर्गिस्तानलाई ५–० ले हराएको थियो। लगातार दोस्रो जितपछि नेपाल र म्यानमारको समान ६ अंक छ। गोलअन्तरमा म्यानमार शीर्ष स्थानमा छ। लगातार दोस्रो हारपछि किर्गिस्तान र लेवनान प्रतियोगिताबाट बाहिरिएका छन्। अब, सान्त्वना जितको लागि किर्गिस्तान र लेवनान तथा शीर्ष स्थानमा रहन नेपाल र म्यानमारबीच आइतबार प्रतिस्पर्धा हुनेछ।