भक्तपुरमा मोटरसाइकल दुर्घटना, एक जनाको मृत्यु २ घाइते
प्रहरीका अनुसार गम्भीर घाइते भएका निजको इवामुरा अस्पतालमा उपचारका क्रममा मृत्यु भएको हो ।

९ फागुन, काठमाडौं । सूर्यविनायक नगरपालिका–९ नलिञ्चोकमा गए राति मोटरसाइकल एकापसमा ठोक्किँदा एक जनाको मृत्यु भएको छ।
दुर्घटनामा रामेछाप सुनापाती गाउँपालिका–४ का २१ वर्षीय तिम्बा दोर्जे तामाङको मृत्यु भएको भक्तपुर जिल्ला ट्राफिक प्रहरी परिसरले जनाएको छ। प्रहरीका अनुसार गम्भीर घाइते भएका निजको इवामुरा अस्पतालमा उपचारका क्रममा मृत्यु भएको हो ।
दुर्घटनामा दुई जना घाइते भएका छन् । घाइतेमध्ये सूर्यविनायक नगरपालिका–९ काक्राबारीका २४ वर्षीय साजन तामाङको अवस्था गम्भीर रहेको छ।