उपचारको क्रममा पूर्वसभामुख दमननाथ ढुंगानाको निधन
विश्व दैनिक |
२ मंसिर, काठमाडौं । पूर्वसभामुख दमननाथ ढुंगानाको निधन भएको छ ।
आज दिउँसो दुई बजे फ्रन्टलाइन अस्पतालमा उपचारको क्रममा उनको निधन भएको उनका भान्जा सुरज भट्टराईले जानकारी दिए
स्व. ढुंगाना २०४८ सालदेखि २०५१ सम्म सभामुख थिए साथसाथै उनी वरिष्ठ अधिवक्तासमेत हुन् ।
२०२८ सालमा नेपाल बार एसोसियसनको महासचिव बनेका उनी पत्रकारिता र शिक्षण पेशामा पनि लागेका थिए ।
उनले पञ्चायतकालमा विद्यार्थी संगठन बनाएर राजनीतिक यात्रा सुरु गरेका वरिष्ठ अधिवक्ता, मानवअधिकारवादी र नागरिक समाजको अगुवाको पहिचानसमेत बनाएका छन् ।
