नेप्से परिसूचक सामान्य अंकले घट्यो

२२ फागुन, काठमाडौं । नेप्से परिसूचक आज सामान्य अंकले घटेको छ। नेप्से परिसूचक २.७० अंकले घटेर २८१८.४३ अंकमा अडिएको छ।

कारोबार रकम पनि घटेको छ । अघिल्लो दिन १० अर्ब ९७ करोडको कारोबार भएकोमा आज १० अर्ब १० करोडको भयो । कुल ९९ कम्पनीको मूल्य बढ्दा १३२ को घट्यो भने १२ को स्थिर रह्यो ।

नेप्से परिसूचक घटे तापनि गार्डियन माइक्रो लाइफ इन्स्योरेन्स, भुगोल इनर्जी डेभलपमेन्ट कम्पनी, उपकार लघुवित्त र राप्ति हाइड्रोको सेयर सर्किट लेभलमा कारोबार भयो।

कारोबार रकमका आधारमा हिमालयन रिइन्सुरेन्स शीर्ष स्थानमा रह्यो। सो कम्पनीको १ अर्ब १२ करोड ८३ लाख बढीको सेयर कारोबार भयो। आज बैंकिङ, विकास बैंक, म्यानुफ्याक्चर र माइक्रोफाइन्स समूहका सूचक बढेका छन्।