हराएको १७ दिनपछि एक पुरुषको शव शिवपुरी जंगलमा फेला
यही फागुन १० गतेदेखि उनी हराएको पाइएको एसपी बोहोराले बताए ।
विश्व दैनिक |
२७ फागुन, काठमाडौं । एक पुरुषको शव हराएको १७ दिनपछि शिवपुरी जंगलमा फेला परेको छ ।
जिल्ला प्रहरी परिसर काठमाडौंका एसपी तथा प्रवक्ता अपिलराज बोहोराले काठमाडौंको तार्केश्वर नगरपालिका–६ धर्मस्थली बस्ने ५८ वर्षीय कान्छा मर्हजनको शव फेला परकेो बताए ।
तार्केश्वर नगरपालिका–३ तीनपिप्ले पाँचमाने शिवपुरी जंगलमा मंगलबार मृत अवस्थामा उनी फेला परेका हुन् । यही फागुन १० गतेदेखि उनी हराएको पाइएको एसपी बोहोराले बताए । प्रहरीका अनुसार श्रीमतीसँग सामान्य विवाद भएपछि उनी घर छाडेर हिँडेका थिए ।
त्यसैगरी तार्केश्वर नगरपालिका–१० मनमैजु फुलबारी टोल बस्ने गोरखा धार्चे गाउँपालिका–४ घर भएकी ६५ वर्षीया बिसानी गुरूङ आफ्नै कोठामा मंगलबार मृत अवस्थामा फेला परेकी छिन् ।
