एमाले सभाका लागि विभिन्न स्थानबाट र्याली निकाल्न सुरु
विश्व दैनिक |
७ मंसिर, काठमाडौं । आज दरबारमार्गमा नेकपा एमालेले गर्ने सभाका लागि विभिन्न स्थानबाट र्याली निकाल्न सुरु गरिसकेको छ ।
एमाले कार्यकर्ताहरु भद्रकालीमा अहिले छन् भने केहीबेरमा सुरु हुने र्याली दरबारमार्ग पुगेर सभामा परिणत हुनेछ ।
आज दरबारमार्गमा एमाले काठमाडौं, भक्तपुर र ललितपुर जिल्ला कमिटीको आयोजनामा सभा गर्दै छ । एमालेले सभालाई ‘जागरण सभा’ नाम दिएको छ । प्रधानमन्त्री केपी शर्मा ओलीलगायतका नेताहरूले कार्यक्रममा दिउँसो साढे १ बजे सम्बोधन गर्ने छन् ।
एमालेले राष्ट्रिय सद्भाव र राष्ट्रिय एकता कायम गर्ने उद्देश्यले प्रदर्शनसहित सभा गर्न लागिएको जनाएको छ ।
