काठमान्डुले कर्णालीलाई हरायो
जेरार्ड एरासमसले ३८ तथा कप्तान करण केसीले २८ रन बनाए
विश्व दैनिक |
१९ मंसिर, काठमाडौं । कर्णाली याक्सलाई ३ विकेटले पराजित गर्दै काठमान्डुले पहिलो जित निकालेको हो ।
सोमपाल कामीको कप्तानीमा रहेको कर्णाली याक्सलाई पराजित गर्दै काठमान्डुले पहिलो जित निकालेको हो ।
कर्णालीले दिएको १५० रनको लक्ष्य काठमान्डुले ३ बल अगावै ७ विकेट गुमाएर १५३ रन बनाउँदै पूरा गर्यो ।
काठमान्डुका लागि सुमित महर्जनले अविजित ४० रन बनाए । उनले ३७ बल खेल्दै ३ चौका र १ छक्का प्रहार गरे ।
यस्तै जेरार्ड एरासमसले ३८ तथा कप्तान करण केसीले २८ रन बनाए । बलिङमा काठमाडौंका जेरार्ड एरासमसले २ तथा करण केसी, नाथन सोटर र दिपेश कँडेलले १-१ विकेट लिए ।
काठमान्डु पहिलो खेलमा चितवन राइनोजसँग ५ विकेटले पराजित भएको थियो । पहिलो जितपछि काठमान्डुले २ खेलबाट २ अंक जोडेको छ ।
पेपरमा बलियो देखेको र धवनको आगमनले चर्चामा रहेको कर्णालीको भने यो लगातार दोस्रो हार हो ।कर्णाली पहिलो खेलमा जनकपुर बोल्ट्ससँग पराजित भएको थियो ।
