झापाबाट करिब ३० हजार अमेरिकी डलरसहित एकजना पक्राउ

२७ मंसिर, काठमाडौं । झापाको पूर्व पश्चिम राजमार्ग बाट करिब ३० हजार अमेरिकी डलरसहित १ जना पक्राउ परेका छन् । पक्राउ पर्नेमा झापा गौरादह नगरपालिका–५ का २५ वर्षीय मोहम्मद नौसाद मिया छन् ।
उनको साथबाट २९ हजार ७ सय अमेरिकी डलर बरामद गरिएको प्रहरीले जनाएको छ । बिहीबार दिउँसो करिब २ बजेको समयमा इलाका प्रहरी कार्यालय दमकबाट खटिएको टोलीले झापा कमल गाँउपालिका–३, मा रहेको पूर्व पश्चिम राजमार्गमा प्रदेश १–०२–००१ ख ९५३० नम्बरको यात्रुबाहक बसलाई चेकजाँच गर्दा सोही बसमा सवार मियाको ब्यागबाट स्रोत नखुलेको अमेरिकी डलर फेला पारेको हो ।