यू-१९ महिला एसिया कपमा नेपालले पाकिस्तानलाई हरायो
नेपालले १ ओभरअगावै १०५ रनको लक्ष्य पूरा गरेको हो
विश्व दैनिक |
१ पुस, काठमाडौं । मलेसियामा भइरहेको एसीसी यू–१९ महिला एसिया कप क्रिकेटमा नेपालले पाकिस्तानलाई हराएको छ । नेपालले पाकिस्तानलाई ६ विकेटले हराएको हो ।
नेपालले १ ओभरअगावै १०५ रनको लक्ष्य पूरा गरेको हो ।
कप्तान पुजा महतोले सर्वाधिक ४७ रन बनाएर अविजित रहिन् । त्यसअघि सोनी पाख्रिनले १३ तथा ओपनर सना प्रवीनले १० रन बनाइन् ।
पाकिस्तानले २० ओभरमा ५ विकेट गुमाएर १०४ रन बनाएको थियो । पाकिस्तानका कोमल खानले ३८ रन बनाइन् । पाकिस्तान पहिलो खेलमा भारतसँग पराजित भइसकेको थियो ।
नेपाल सुपर फोरमा समेत प्रवेश गरेको छ भने भोलि भारतसँग खेल्ने छ ।
