सोनु निगमले काठमाडौंमा दिए भव्य प्रस्तुति

११ पुस, काठमाडौं । बुधबार बेलुका काठमाडौंमा चर्चित भारतीय गायक सोनु निगमले क्रिसमसको अवसरमा भव्य सांगीतिक प्रस्तुति दिएका छन् । बौद्धस्थित हायात रिजेन्सीको चौरमा निगमलाई सुन्न हजारौं दर्शक सहभागि थिए ।

‘सोनु निगम लाइभ इन नेपाल’ नाम दिइएको कन्सर्टमा झण्डै १० हजार दर्शक सहभागि रहेको आयोजक नेपाल टचले जनाएको छ । आफ्ना चर्चित बलिउड गीतमा गुञ्जिँदै निगमले दर्शकलाई मनोरञ्जन दिएका छन् । दर्शकले पनि निगमका गीतमा चिसिँदो मौसममा झुमेर आनन्द लिएका थिए ।

उनले स्वर दिएका उकाली ओराली गर्दैु, फूलको डाली–डालीमा जस्ता नेपाली गीत निकै लोकप्रिय छन्।

७ बजेर ३० मिनेट जाँदा स्टेज चढेका निगमले ब्याण्डसहित प्रस्तुति दिएका थिए । स्टेजमा चढे लगत्तै उनले नेपालले आफूलाई प्यार दिएको भन्दै दर्शकलाई धन्यवाद दिए । निगमलाई सुन्न हायातको चौरमा चर्चित नेपाली संगीतकर्मी पनि पुगेका थिए ।