बोधिचित्तको माला लुटपाट प्रकरणका आरोपी दूधराज तामाङ पक्राउ
गएराति नौ बजे तामाङ ललितपुरको हरिसिद्धीबाट प्रहरीले पक्राउ गरेको हो ।
विश्व दैनिक |
१३ मंसिर, काठमाडौं । बुद्धचित्तको माला लुटपाट प्रकरणका आरोपी दूधराज तामाङ पक्राउ परेका छन् ।
गएराति नौ बजे उनलाई ललितपुरको हरिसिद्धीबाट प्रहरीले पक्राउ गरेको हो ।
तामाङ काभ्रे घर भएका माओवादी केन्द्र निकट अखिल क्रान्तिकारीका केन्द्रीय सचिव हुन् ।
गत साउन ४ गते सिन्धुलीको फिक्कल गाउँपालिका १ महादेव डाँडाका होमबहादुर सुनुवारको जग्गाबाट बोधिचित्तको माला लुटपाट भएको थियो भने यो घटनामा सत्यमान लामा, दूधराज तामाङ, राकेश तामाङ, पुष्पलाल दोङ र शिव बरालसहित १३ जनाविरुद्ध डाँका, चोरी तथा लुटपाटको उजुरी परेको थियो ।
प्रहरीले सत्यमान लामा र दूधराज तामाङसहित तीन जना पक्राउ परे पनि अरुको खोजी भइरहेको जनाएको छ ।
