राष्ट्रपति डोनाल्ड ट्रम्प टिमका सदस्यलाई बम आक्रमणको धम्की

१३ मंसिर, काठमाडौं ।अमेरिकाका नवनिर्वाचित राष्ट्रपति डोनाल्ड ट्रम्पले नियुक्त गरेका सदस्यहरुलाई बम आक्रमणको धम्की आइरहेको अधिकारीहरुले बताएका छन् ।

मंगलबार र बुधबार बिहान ट्रम्पको टिमको प्रवक्ताको जिम्मेवारी निर्वाह गर्दै आएकी क्यारोलिन लेविटका अनुसार ट्रम्पले विभिन्न पदमा नियुक्ति दिएकाहरुलाई धम्की आएको थियो ।

एफबीआई लगायतका सुरक्षा एजेन्सीहरुलाई धम्की आएपछि सतर्क बनाइएको छ भने कुनै पनि परिस्थितिसँग जुध्नका लागि आवश्यक तयारी पनि गरिएको अधिकारीहरुले बताएका छन् ।

आफ्नो घरमा बम आक्रमणको चेतावनी सहितको सूचना आएको संयुक्त राष्ट्रसंघका लागि अमेरिकी राजदूतमा नियुक्त एलिस स्टेफनिकले बताएकी छन् । उनले पति र तीन वर्षको छोरासहित वाशिङ्टनबाट न्यूयोर्क जाँदै गर्दा खतराको सूचना प्राप्त भएको बताएकी छन् ।

ट्रम्पले नियुक्त गरेका पर्यावरण संरक्षण एजेन्सीका प्रमुख ली जेल्डिनलाई पाइप बम आक्रमणको धम्की प्राप्त भएको थियो ।

यसैगरी महान्यायाधिवक्ताका दाबेदार म्याट गेट्जलाई पनि आक्रमणको धम्की आएको बीबीसीले जनाएको छ ।