गठ्ठाघरमा ट्रकले ठक्कर दिदा स्कुटर चालकको मृत्यु

१३ मंसिर, काठमाडौं । भक्तपुरको गठ्ठाघर चोकमा ट्रकले स्कुटरलाई ठक्कर दिंदा स्कुटर चालकको मृत्यु भएको छ भने अर्का एकजना घाइते भएका छन् ।
भक्तपुरबाट काठमाडौंतर्फ जाँदै गरेको ना ८ ख २३११ नम्बरको ट्रकले आज बिहान सोही दिशातर्फ गइरहेको बा.प्र.०२–०३८ प ४४०१ नम्बरको स्कुटरलाई ठक्कर दिंदा महिलाको उपचारको क्रममा भक्तपुर इन्टरनेशनल अस्पतालमा मृत्यु भएको हो । मृत्यु हुनेमा ४१ वर्षीया नवीना देउला रहेको जिल्ला प्रहरी परिसर भक्तपुरले जनाएको छ ।
दुर्घटनामा नवीनाका श्रीमान् जिते देउला घाइते छन् । उनको उपचार नागरिक अस्पतालमा भइरहेको छ ।
ट्रक चालकलाई प्रहरी वृत्त ठिमीले नियन्त्रणमा लिएको छ ।