भक्तपुरमा मोटरसाइकलको ठक्करबाट पैदलयात्रीको मृत्यु

३० मंसिर, काठमाडौं । भक्तपुरमा मोटरसाइकलको ठक्करबाट पैदलयात्रीको मृत्यु भएको छ।
गयराति करिब ८ः१५ बजे भक्तपुरको सुर्यविनायक नगरपालिका–१० नालिन्चोक जोरपाटीमा साँगातर्फ जाँदै गरेको बा ४६ प ११२७ नम्बरको मोटरसाइकलले ठक्कर दिँदा रामेछापको दोरम्बा गाउँपालिका–४ घर भई नालीन्चोक बस्ने ७० वर्षीय निमबहादुर मगरको मृत्यु भएको छ ।
जिल्ला प्रहरी परिसर भक्तपुरका अनुसार मोटरसाइकलको ठक्करबाट गम्भीर घाइते भएका मगरलाई उपचारका लागि मध्यपुर अस्पताल थिमीमा उपचारका क्रममा शनिबार रातिनै उनको मृत्यु भएको हो।
मोटरसाइकल चालक काभ्रेको बनेपा नगरपालिका–६ का ४४ वर्षीय जितेन्द्र श्रेष्ठलाई प्रहरीले नियन्त्रणमा लिएर घटनासम्बन्धमा थप अनुसन्धान गरिरहेको डिएसपी न्यौपानेले जानकारी दिए।