कञ्चनपुरमा पूर्व असईले धारिलो हतियार प्रहार गरी श्रीमतीको हत्या
घरायसी विवादमा विष्टले श्रीमती ज्योतीको घाँटी र हातमा धारिलो हतियार प्रहार
विश्व दैनिक |
१६ मंसिर, काठमाडौं । नेपाल प्रहरीका सेवा निवृत्त प्रहरी सहायक निरीक्षक (असई) ले कञ्चनपुरमा श्रीमतीको हत्या गरेका छन् ।
शनिबार साँझ भीमदत्त नगरपालिका–८ तिलाचौरका ४९ वर्षीया नरेन्द्र विष्टले ३० वर्षीया श्रीमती ज्योती विष्टको हत्या गरेका हुन् ।
विष्टले जेठी श्रीमतीको निधनपछि ज्योतीसँग दुई वर्षअघि बिहे गरेका थिए । नरेन्द्रकी ज्योती कान्छी श्रीमती हुन् ।
जिल्ला प्रहरी कार्यालय कञ्चनपुरका प्रहरी नायब उपरीक्षक (डीएसपी) उमेशराज जोशीले शनिबार साँझ घरायसी विवादमा विष्टले श्रीमती ज्योतीको घाँटी र हातमा धारिलो हतियार प्रहार गरी हत्या गरेको बताए । जोशीले विष्टलाई पक्राउ गरेर अनुसन्धान भइरहेको जानकारी दिए ।
