कीर्तिपुरमा बिहान साढे १० बजेसम्म ४५ सय हाराहारीमा मत खस्यो
कीर्तिपुरको मेयर र दुई वडाध्यक्षका लागि मतदान भइरहेको छ।
विश्व दैनिक |
१६ मंसिर, काठमाडौं । काठमाडौं जिल्ला निर्वाचन कार्यालयका अनुसार कीर्तिपुरमा बिहान ७ बजेदेखि सुरू भएको मतदानमा साढे दस बजेसम्म ४५ सय मत खसेको छ । बिहान साढे १० बजेसम्म ४५ सय हाराहारीमा मत खसेको हो ।
आइतबार बिहान ७ बजेदेखि सुरू भएको मतदान शान्तिपूर्ण रहेको निर्वाचन आयोगले जनाएको छ ।
कीर्तिपुरको मेयर र दुई वडाध्यक्षका लागि मतदान भइरहेको छ। उपनिर्वाचनका लागि कुल ३१ हजार ११२ मतदाता रहेका छन् ।
साँझ ५ बजेसम्म मतदान सञ्चालन हुनेछ भने मतदान सकिएलगत्तै मतगणना सुरू गर्ने तयारी छ।
कीर्तिपुर नगरपालिकाको सभाहलमा मतगणना हुनेछ।
